بول بول گولوستانه گلسین گلمه سین؟
یازان: حکیم ابوالقاسیم نباتی
اوحویان: عاشیق محبوب
ساز: عاشیق چینگیز
یئنه فلک لر اؤتوشدو
قوربان – قوربان صداسیندان
معطل قالمیشام بالله
عاشیقلرین اداسیندان
مؤجه گلدی گؤزوم یاشی
آلیشدی باغریمین باشی
سس گؤتوروب داغی داشی
بو مجنونون نواسیندان
گئتدی گؤزومون قاراسی
گئتمز سریمدن هاواسی
ائیله بیل ترلان بالاسی
جدا دوشوب یوواسیندان
کسیلدی کؤنلومون زاری
توکندی صبر و قراری
بیر یول اؤلدو قورتار باری
بو هیجرانین بلاسیندان
گلدی نباتی دیوانه
کنار دورون قاچین یانه
باخماز او خان و سلطانه
حذر قیلین خطاسیندان
**************
صبا منــــــــــــدن سؤیله او گولــــعذاره
بولبول گولوستانه گلسین گلمه سین
بو هیجران دوشگونو، ایللر خسته سی
قاپیـــــــــنا درمانه گلسین گلمه سین
من قوربانــــــــــــی اولوم عنبر تئللرین
غنچه دوداقــــــــــلارین،پسته دیللرین.
او لاله رخساریـــن،مشکین خاللاریــن
اودونــــا پروانه گلسین گلــــــــمه سین
گؤزوم چوخ حسرتدیـــــر خومار گؤزونه
گونش جمالیـــــــنا شَکّــــــــر سوزونه.
اوتانیرام نئــــــــجه دئیـــــــــــیم أوزونه
دردیــــن خسته جانه گلسین گلمه سین
دولاشدیـــــر بوینوما شمشاد قولونو،
قوجاقلاییم،قوجوم اینـــــــجه بئلینی
لعل لبین أمیم، سوروم دیلیــــــــنی
ایستر ألـــی جانـــه گلسین گلمه سین!
نباتی ایسته مـــــز سنسیز دونیانی
عــــزتی، حؤرمتی، شوکتی، شانی.
بیر زادا قالمـــــــــایبدی داها گومانی
بو باش او میدانـــــــه گلسین گلمه سین؟
نظرات:
| یکی از هزاران سند تقلب در برنامه 90 |
| «اورمو» می‌گوید: |
| «www.urmu0441.blogfa.com» |
| yasa |
| «hamed» می‌گوید: |
| «ساغول آزاد آبی چوخ بیندیم بو ماهنیلاری. اللرین آغریماسین. یاشا. » |
