من آدام چالان ماری نئیله رم؟
یازان: علی واحید
اوخویان: جانعلی اکبروف
دئمه مجنونا ده لی ، بلکه ده لیلا ده لی دیر
عشق اولان یئرده بوتون عاقیل و دانا ده لی دیر
سالدی یوسف کیمی اؤز سئوگیلی سین زندانا
قویدو روسوالیغی عالمده زلیخا ، ده لی دیر
عشق زنجیری نین اوفتاده سی بیر من دئییلم
هوس ـ سلسله ـ عشق ایله دونیا ده لی دیر
ساریلیر چیگنینه ، گاه بوینونا ، گاه قامتینه
اژدهالار کیمی اول زولف ـ چلیپا ده لی دیر
بیر وفاسیز گول اوچون ناله سی دونیانی توتوب
عاشیقین قلبی کیمی بولبول ـ شیدا ده لی دیر
بیرجه شیرین ایله فرهادا مذمّت یوخدور
وادی ـ عشقده وامق کیمی عذرا ده لی دیر
ال گؤتورمز بو قارا گؤزلولرین زولفوندن
هر یئتن ظن ائله ییر واحدی ، گویا ده لی دیر.
