شانه سی مندن
اوخویان: یعقوب ممدوف
موغام و غزلیین شعری: علی واحید
بشنوید.
سن زلفین آچ توک اوزونه شانه سی مندن
زنجیری نشان وئر منه دیوانه سی مندن
سن عاشقی یاندیرماقا من یانماقا ماییل
سن شمعینی گوستر منه پروانه سی مندن
زلفون قدری عاشق اولان وار سنه ای گل
سن سویله او مجنونلاری افسانه سی مندن
سر مست گوزون فتنه لبین نشئه لی باده
ایچدیر منه اول باده نی پیمانه سی مندن
سن نازیله گل کی صدفین قیمتی آرتسین
گوزیاشی کیمی اینجیسی دردانه سی مندن
هردم گوتور اوزدن گوزه لیم افعی زلفین
چک ظاهره گنجینه نی ویرانه سی مندن
واحد می ی ترک ائتمک اوچون پیر مغانین
رنجیده اولوب بیر نئچه
مستانه سی مندن.
