مطلبه ال چاتمیور
یازان: میرزا علی اکبر طاهیرزاده شیروانی- صابیر
آخ!... بو اوشاقلار نئجه بدذاتدیلار
لاپ دئیه سن جین کیمی بیر زاتدیلار
بیژ ولدوزنالارا سوز باتمیور
مین ده ناغیل آچ بیرین آلداتمیور
کیچدی گئجه مطلبه ال چاتمیور
صوبح اولار ایندی بیری ده یاتمیور
نشئه میزه یاخشی خلل قاتدیلار
آخ! ... بو اوشاقلار نئجه بدذاتدیلار
هی! یازیق آرئاد ایشی سامانلیور
گاه فاطی نی گاه صادقی یانلیور
زیدی سوگیر کامیله نی دانلیور
کورپه دییر هر بیری سوز آنلیور
اصلی حقیقتده ده بدذاتدیلار
لاپ دیه سن جین کیمی بیر زاتدیلار
بیر دلی شیطان دئیر آچ بد باشین
گل بو حارامزاده لرین آت داشین
بیر بیرینه قات باجیسن قارداشین
از بدنین اوز بوغازین کس باشین
گور منی آخیر کیمه اوخشاتدیلار
آخ! ... بو اوشاقلار نئجه بدذاتدیلار
بیر پارا بیدینلر اولوپ بد گومان
دیرلر اولوپ آروادا حاجی فیلان
هر گوجه قزوینه سورور کاریوان
صوبحی ده گرمابه ائیلیر مکان
لیک قارانلیق یره داش آتدیلار
دوغروسو بونلار داخی بدذاتدیلار
چوخ دا منی بیلمه یین اهلی مجاز
قصدیم اودور مسئله اولسون تاراز
غسله مساوی دئیری دستماز
غسل لیله بیر رکعته مین دیر ناماز
خاصه چاتیر فیضه اوچ آرواتدیلار
باختاوار اولسونلار عجب چاتدیلار
بیر نئچه شیطانا دا اوخ آتدیلار
گرچه ثواب امری عیبادتده دیر
افضل فیض احمز طاعتده دیر
لیک او فیضی کی نهایتده دیر
بیر جه هامان غسلی جینابتده دیر
حیف منی بو گئجه توختادیلار
آخ! ... بو اوشاقلار نئجه بدذاتدیلار
باغریمی چاتداتدیلار
سینه می اوخلاتدیلار
ایل گیجه نی صوبحه تک
بیرجه مگر یاتدیلار؟
