خسته قاسیمدان بیر شعر
واردیم باسمینج حمامینه
اوستانی گوردوم زول چیخاردیر
ال آتدی قولاخلاریما
ائله بیلدیم کول چیخادیر
آیاقلارین قویور قوشا
اولگوجونو چکیر داشا
ضربی ائله گلیر باشا
تیکمه داشا یول چیخادیر
بیر فیطه سی وار بئزدن
دوروب گلیر سحر تئزدن
یاری حاققین آلیپ بیزدن
یئنه آجی دیل چیخادیر
اولگوجونو چاپیشدیریر
سویو طاسدان قاپیشدیریر
کسیر پانبیخ یاپیشدیریر
دریسینی بول چیخادیر
اوستانین الی طاسدادیر
اولگوجون آغزی پاسدادیر
گور نئجه حاذیق اوستادیر
دیش چکنده گوز چیخادیر
بو اوستا نئجه اوستادیر
همیشه گوزو طاسدادیر
خسته قاسیم جان اوسته دیر
ائله بیلیر پول چیخادیر.
================
زول: اوزون کسیلمیش دری و گون
طاس: له ین - کاسا
فیطه: حامامدا بئله باغلانان پارچا
